LATEST NEWS

BREAKING NEWS

  • ध्यानचंद हे देशभक्तीचे मूर्तिमंत उदाहरण

    • हॉकीचे जादूगार म्हणून नाव कमावलेले ध्यानचंद हे देशभक्तीचे मूर्तीमंत उदाहरण होते, अशा शब्दांत पंतप्रधान नरेंद्र मोदी यांनी मन की बात या कार्यक्रमामध्ये ध्यानचंद यांना श्रद्धांजली वाहिली.

      ध्यानचंद यांची आठवण काढताना मोदी म्हणाले की, ‘१९२८, १९३२ आणि १९३६ ला भारताला आॅलिम्पिकमध्ये हॉकीचे सुवर्ण मिळवून देण्यात ध्यानचंद यांनी निर्णायक योगदान दिले आहे.’

      मोदी म्हणाले, ‘ध्यानचंद खरे देशभक्त होते. एकदा कोलकाता येथे एका सामन्यादरम्यान प्रतिस्पर्धी संघातील खेळाडूने ध्यानचंद यांच्या डोक्यावर स्टीक मारली. त्यावेळी सामना संपण्यास केवळ दहा मिनिटे शिल्लक होती आणि ध्यानचंद यांनी त्या वेळेत तीन शानदार गोल केले. यानंतर त्यांनी, मी दुखापतीचा वचपा गोलने काढला, असे सांगितले होते.’

      दरम्यान, यावेळी रिओ आॅलिम्पिकबाबत बोलताना मोदी यांनी महिला खेळाडूंचे कौतुक करताना सांगितले, ‘आॅलिम्पिक पदक जिंकून मुलींनी देशाचे नाव उंचावले आहे. रिओमध्ये आपली कामगिरी अपेक्षेप्रमाणे झाली नाही यात नक्कीच तथ्य आहे. कित्येकदा असे झाले की, आपल्या अव्वल खेळाडूंना लौकिकानुसार कामगिरी करण्यात यश आले नाही. मात्र, त्याचवेळी अनेक खेळाडूंनी पहिल्याच प्रयत्नात चमकदार कामगिरी करून सर्वांचे लक्ष वेधले आहे,’ असेही मोदी यांनी यावेळी सांगितले. (वृत्तसंस्था)

    •  
     
     
     

    29 Aug 2016
  • दहीहंडीवरुन राज यांच्या विरोधात याचिका दाखल

    • मुंबई, दि. २९ - दहीहंडी उत्सवात २० फूट उंचीचा नियम पाळू नका असं गोविंदा पथकं आणि आयोजकांना आवाहन करणा-या मनसे अध्यक्ष राज ठाकरे यांच्या विरोधात याचिका दाखल झाली आहे. सामाजिक कार्यकर्त्या स्वाती पाटील यांनी राज यांच्या विरोधात मुंबई उच्च न्यायालयात याचिका दाखल केली आहे. 
       
      येत्या २० सप्टेंबरला या याचिकेवर सुनावणी होणार आहे. सर्वोच्च न्यायालायने दहीहंडीच्या उंचीवर २० फुटाचा निर्बंध घातल्यानंतर राज यांनी पत्रकारपरिषद घेऊन सर्वोच्च न्यायालयाच्या निर्णयावर टीका केली होती. त्यांनी गोविंदा मंडळ आणि आयोजकांना नियम न पाळण्याचं आवाहन केलं होतं. 
       
      त्यानुसार ठाण्यात नौपाडामध्ये मनसेने चाळीस फुटाची हंडी बांधली. जोगेश्वरीतल्या जयजवान गोविंदा पथकाने येथे नऊ थरांची सलामी दिली. मुंबईत गल्लोगल्ली दहीहंडीच्या उंचीच्या आणि बालगोविंदांच्या सहभागाच्या नियमांचे उल्लंघन झाले. आता कोर्टाच्या आदेशाचा अवमान केल्या प्रकरणी राज यांच्या विरोधात याचिका दाखल झाली आहे. 
    •  
     
     
     

    29 Aug 2016
  • महान गायक मुकेश यांचा स्मृतिदिन

    मुंबई, दि. २७ - हिंदी चित्रपटसृष्टीतील महान गायक मुकेश यांचा आज (२७ ऑगस्ट) स्मृतिदिन.
    मुकेश यांचे खरं नाव मुकेशचंद माथुर पण त्याच्या घराण्याने माथुर हे आडनाव टाकून त्याचं नाव हेच आडनाव म्हणून धारण केलं. २२ जुलै१९२३ साली त्यांचा जन्म झालाय
     
    त्यांना लहानपणापसुनच गाणी आणी अभिनयाची आवड होती. एल. सैगल हे त्यांचे आदर्श होते या बाबतीत. मोतीलाल या त्याकाळाच्या अभिनेत्याने मुकेश यांना त्यांच्या बहिणीच्या लग्नात गाताना ऐकले. त्यांनीच मुकेश यांना मुंबईला येण्यास सांगितले. मुकेश यांना सुरुवातीच्या त्या काळात मोतीलाल यांची खुप मदत झाली. 
     
    १९४१ साली त्यांनी निर्दोष या चित्रपटाद्वारे अभिनेता-गायक म्हणून या क्षेत्रात पदार्पण केले. पण खरया अर्थाने त्यांनी पार्श्वगायनाला सुरुवात केली ती १९४५  ला  पहली नजर या चित्रपटातील दिल जलता है.. ह्या गाण्यापासून. हे लोकांना खुप आवडलं आणि मुकेश रातोरात स्टार झाले त्यानंतर त्यांनी कधी मागे वळुन पाहिले नाही. त्यांनी आपल्या तीन दशकाच्या कारकिर्दीत २०० पेक्षा जास्त चित्रपटात पार्श्वगायन केले. त्यांना चार वेळा फिल्मफेअरचा  सर्वश्रेष्ठ पा‌र्श्वगायक हा पुरस्कार मिळाला. निर्माता म्हणूनही त्यांनी मल्हार, आक्रमण या सिनेमांची निर्मिती केली. 
     
    त्यांच्या आयुष्यातील एक टर्नींग पॉइंट म्हणजे त्यांची राज कपूर यांच्याशी झालेली भेट. कारण पुढे या द्वयीने आवारा, बरसात, श्री ४२०, अनाड़ी, जिस देश में गंगा बहती है, संगम, मेरा नाम जोकर यांसारख्या सिनेमाद्वारे काय इतिहास रचला ते आपल्या सगळ्याना माहिती आहेच. राज कपूर यांच्या यशात काही वाटा मुकेश यांच्या गाण्याचाही होता हे कोणीही अमान्य करणार नाही. त्यांनी दुख-सुख, आदाब अर्ज, माशूका, आह, आक्रमण,  दुल्हन यांसारख्या सिनेमातून अभिनेता म्हणून कामही केले.पण ते या अभिनेता म्हणून काही विशेष चमक दाखवू शकले नाही. त्यानी अभिनायासाठी काही काळ गायन ही बाजूला ठेवले होते पण योग्य वेळीच ते सावरले आणि पुन्हा गायनावर लक्ष केन्द्रित केले. १९७४  मध्ये प्रदर्शित झालेल्या रजनीगंधा मधील  गाणे कई बार यू हीं देखा… साठी मुकेश यांना राष्ट्रीय पुरस्कार मिळाला. 
     
    मुकेश यांचे २७ ऑगस्ट १९७६ रोजी निधन झाले. 

    27 Aug 2016
  • पंतप्रधान नरेंद्र मोदींची मालमत्ता पावणे दोन कोटीच!

    • नवी दिल्ली : पंतप्रधान नरेंद्र मोदी यांच्या नावे ३१ मार्च २०१६ अखेरपर्यंत एकूण एक कोटी ७३ लाख रुपयांची स्थावर-जंगम मालमत्ता होती आणि त्याआधीच्या वर्षाच्या तुलनेत त्यांच्या मालमत्तांचे मूल्य १३ लाख २० हजार रुपयांनी वाढले आहे, अशी माहिती पंतप्रधान कार्यालयाच्या (पीएमओ) वेबसाईटवर देण्यात आली आहे.

      प्रत्येक मंत्र्याने प्रत्येक वित्तीय वर्षाच्या अखेरीस आपल्या, पत्नी वा पतीच्या आणि अवलंबून असलेल्या अन्य कुटुंबियांच्या नावे असलेल्या मालमत्तांचा तपशील प्रसिद्धीसाठी ‘पीएमओ’कडे द्यावा, असे ठरले आहे. त्यानुसार पंतप्रधान मोदी यांनी वर्ष २०१५-१६ या वित्तीय वर्षासाठीचा आपल्या स्थावर-जंगम मालमत्तांचा तपशील जाहीर केला आहे.

      पारदर्शी कारभाराचा एक भाग म्हणून मोदींनी ही प्रथा सुरु केली खरी, पण त्यांच्या मंत्रिमंडळातील बहुतांश मंत्र्यांनी आपापल्या मालमत्तांचा ताजा तपशील अद्याप जाहीर केलेला नाही. ज्यांनी मालमत्ता जाहीर केल्या आहेत त्यांत अरुण जेटली, सुषमा स्वराज, एम.व्यंकय्या नायडू, सदानंद गौडा, रामविलास पासवान, मेनका गांधी व प्रकाश जावडेकर यांचा समावेश आहे. इतर मंत्र्यांच्या तुलनेत मोदी खूपच ‘गरीब’ आहेत, असे या आकडेवारीवरून दिसते.

      आधीच्या वर्षाच्या तुलनेत मोदींच्या स्थावर मालमत्तेच्या मूल्यात अजिबात वाढ झालेली नाही. जंगम मालमत्तांच्या मूल्यात जी एकूण १३.२० लाख रुपयांची वाढ झाली आहे, त्यात मोदींनी लिहिलेल्या किंवा त्याच्याविषयी लिहिलेल्या पुस्तकांच्या ‘रॉयल्टी’पोटी मिळणार असलेले १२ लाख ३५ हजार ७९० रुपये व हातात असलेल्या रोकड रकमेत झालेल्या ८५ हजार २०० रुपयांच्या वाढीचा समावेश आहे. (लोकमत न्यूज नेटवर्क)

      पंतप्रधान मोदी यांनी मालमत्तांच्या या जाहिरनाम्यात जशोदाबेन यांचा पत्नी म्हणून नामोल्लेख केला आहे. मात्र जशोदाबेन यांच्या नावे किती व कोणत्या स्थावर वा जंगम मालमत्ता आहेत याची आपल्याला माहिती नसल्याचे म्हटले आहे. ‘अवलंबून असलेले अन्य कुटुंबीय’ या रकान्यात त्यांनी ‘लागू होत नाही’, असे नमूद केले आहे.

      >स्थावर मालमत्ता

       

       

      01

      कोटी रुपये

      (गांधीनगर येथील निवासी इमारतीमधील ६७९ चौरस फुटांचा

      १/४ हिस्सा)

      (याखेरीज अन्य कोणतीही शेतजमीन, निवासी भूखंड अथवा व्यापारी इमारत नाही.)

    •  
     
     
     

    27 Aug 2016
  • सिंधू व श्रीकांत दहाव्या स्थानी

    नवी दिल्ली : रिओ आॅलिम्पिकमध्ये रौप्यपदक पटकावित इतिहास नोंदवणारी भारतीय स्टार बॅडमिंटनपटू पुसारला व्यंकट सिंधू गुरुवारी जाहीर झालेल्या विश्व बॅडिमंटन क्रमवारीत दहाव्या स्थानी कायम आहे तर पुरुष बॅडमिंटनपटू किदांबी श्रीकांत एका स्थानाची प्रगती करताना दहाव्या स्थानी दाखल झाला आहे.

    सिंधूचे ६३०९९ मानांकन गुण आहेत तर तिच्यापेक्षा एका स्थानाने वर असलेल्या सायनाचे ७०२०९ मानांकन गुण आहेत. सिंधूला अंतिम फेरीत पराभूत करीत सुवर्णपदक पटकावणारी स्पेनची कॅरालिना मारिन ८३६८० मानांकन गुणांसह अव्वल स्थानी कायम आहे. रिओमध्ये उपांत्य फेरी गाठणारी चीनची ली जुईरुई दुसऱ्या व जपानची नोजोमी ओकुहारा तिसऱ्या स्थानी आहे. महिला दुहेरीत ज्वाला गुट्टा व अश्विनी पोनप्पा जोडीला चार स्थानांचे नुकसान सोसावे लागले असून भारतीय जोडी २६ व्या स्थानी आहे. रिओमध्ये उपांत्यपूर्व फेरीत लिन डॅनविरुद्ध पराभव स्वीकारणारा श्रीकांत ५३८८६ मानांकन गुणांसह १० व्या स्थानी आहे. भारताचा तो आघाडीचा बॅडमिंटनपटू आहे.

    त्यानंतर अजय जयरामने एका स्थानाने प्रगती करताना २१ वे स्थान पटकावले आहे. एच.एस.प्रणय याला तीन स्थानांचे नुकसान सोसावे लागले असून तो ३७२०१ मानांकन गुणांसह

    ३१ व्या स्थानी आहे. मलेशियाचा ली चोंग वेई अव्वल स्थानी कायम असून रिओ पुरुष एकेरीत सुवर्णपदक पटकावणारा चीनचा चेन लोंग दुसऱ्या स्थानी कायम आहे. चीनचा लिन डॅन तिसऱ्या क्रमांकावर आहे.

    नवी दिल्ली : रिओ आॅलिम्पिकमध्ये रौप्यपदक पटकावित इतिहास नोंदवणारी भारतीय स्टार बॅडमिंटनपटू पुसारला व्यंकट सिंधू गुरुवारी जाहीर झालेल्या विश्व बॅडिमंटन क्रमवारीत दहाव्या स्थानी कायम आहे तर पुरुष बॅडमिंटनपटू किदांबी श्रीकांत एका स्थानाची प्रगती करताना दहाव्या स्थानी दाखल झाला आहे.

    सिंधूचे ६३०९९ मानांकन गुण आहेत तर तिच्यापेक्षा एका स्थानाने वर असलेल्या सायनाचे ७०२०९ मानांकन गुण आहेत. सिंधूला अंतिम फेरीत पराभूत करीत सुवर्णपदक पटकावणारी स्पेनची कॅरालिना मारिन ८३६८० मानांकन गुणांसह अव्वल स्थानी कायम आहे. रिओमध्ये उपांत्य फेरी गाठणारी चीनची ली जुईरुई दुसऱ्या व जपानची नोजोमी ओकुहारा तिसऱ्या स्थानी आहे. महिला दुहेरीत ज्वाला गुट्टा व अश्विनी पोनप्पा जोडीला चार स्थानांचे नुकसान सोसावे लागले असून भारतीय जोडी २६ व्या स्थानी आहे. रिओमध्ये उपांत्यपूर्व फेरीत लिन डॅनविरुद्ध पराभव स्वीकारणारा श्रीकांत ५३८८६ मानांकन गुणांसह १० व्या स्थानी आहे. भारताचा तो आघाडीचा बॅडमिंटनपटू आहे.

    त्यानंतर अजय जयरामने एका स्थानाने प्रगती करताना २१ वे स्थान पटकावले आहे. एच.एस.प्रणय याला तीन स्थानांचे नुकसान सोसावे लागले असून तो ३७२०१ मानांकन गुणांसह

    ३१ व्या स्थानी आहे. मलेशियाचा ली चोंग वेई अव्वल स्थानी कायम असून रिओ पुरुष एकेरीत सुवर्णपदक पटकावणारा चीनचा चेन लोंग दुसऱ्या स्थानी कायम आहे. चीनचा लिन डॅन तिसऱ्या क्रमांकावर आहे.नवी दिल्ली : रिओ आॅलिम्पिकमध्ये रौप्यपदक पटकावित इतिहास नोंदवणारी भारतीय स्टार बॅडमिंटनपटू पुसारला व्यंकट सिंधू गुरुवारी जाहीर झालेल्या विश्व बॅडिमंटन क्रमवारीत दहाव्या स्थानी कायम आहे तर पुरुष बॅडमिंटनपटू किदांबी श्रीकांत एका स्थानाची प्रगती करताना दहाव्या स्थानी दाखल झाला आहे.

    सिंधूचे ६३०९९ मानांकन गुण आहेत तर तिच्यापेक्षा एका स्थानाने वर असलेल्या सायनाचे ७०२०९ मानांकन गुण आहेत. सिंधूला अंतिम फेरीत पराभूत करीत सुवर्णपदक पटकावणारी स्पेनची कॅरालिना मारिन ८३६८० मानांकन गुणांसह अव्वल स्थानी कायम आहे. रिओमध्ये उपांत्य फेरी गाठणारी चीनची ली जुईरुई दुसऱ्या व जपानची नोजोमी ओकुहारा तिसऱ्या स्थानी आहे. महिला दुहेरीत ज्वाला गुट्टा व अश्विनी पोनप्पा जोडीला चार स्थानांचे नुकसान सोसावे लागले असून भारतीय जोडी २६ व्या स्थानी आहे. रिओमध्ये उपांत्यपूर्व फेरीत लिन डॅनविरुद्ध पराभव स्वीकारणारा श्रीकांत ५३८८६ मानांकन गुणांसह १० व्या स्थानी आहे. भारताचा तो आघाडीचा बॅडमिंटनपटू आहे.

    त्यानंतर अजय जयरामने एका स्थानाने प्रगती करताना २१ वे स्थान पटकावले आहे. एच.एस.प्रणय याला तीन स्थानांचे नुकसान सोसावे लागले असून तो ३७२०१ मानांकन गुणांसह

    ३१ व्या स्थानी आहे. मलेशियाचा ली चोंग वेई अव्वल स्थानी कायम असून रिओ पुरुष एकेरीत सुवर्णपदक पटकावणारा चीनचा चेन लोंग दुसऱ्या स्थानी कायम आहे. चीनचा लिन डॅन तिसऱ्या क्रमांकावर आहे.

    नवी दिल्ली : रिओ आॅलिम्पिकमध्ये रौप्यपदक पटकावित इतिहास नोंदवणारी भारतीय स्टार बॅडमिंटनपटू पुसारला व्यंकट सिंधू गुरुवारी जाहीर झालेल्या विश्व बॅडिमंटन क्रमवारीत दहाव्या स्थानी कायम आहे तर पुरुष बॅडमिंटनपटू किदांबी श्रीकांत एका स्थानाची प्रगती करताना दहाव्या स्थानी दाखल झाला आहे.

    सिंधूचे ६३०९९ मानांकन गुण आहेत तर तिच्यापेक्षा एका स्थानाने वर असलेल्या सायनाचे ७०२०९ मानांकन गुण आहेत. सिंधूला अंतिम फेरीत पराभूत करीत सुवर्णपदक पटकावणारी स्पेनची कॅरालिना मारिन ८३६८० मानांकन गुणांसह अव्वल स्थानी कायम आहे. रिओमध्ये उपांत्य फेरी गाठणारी चीनची ली जुईरुई दुसऱ्या व जपानची नोजोमी ओकुहारा तिसऱ्या स्थानी आहे. महिला दुहेरीत ज्वाला गुट्टा व अश्विनी पोनप्पा जोडीला चार स्थानांचे नुकसान सोसावे लागले असून भारतीय जोडी २६ व्या स्थानी आहे. रिओमध्ये उपांत्यपूर्व फेरीत लिन डॅनविरुद्ध पराभव स्वीकारणारा श्रीकांत ५३८८६ मानांकन गुणांसह १० व्या स्थानी आहे. भारताचा तो आघाडीचा बॅडमिंटनपटू आहे.

    त्यानंतर अजय जयरामने एका स्थानाने प्रगती करताना २१ वे स्थान पटकावले आहे. एच.एस.प्रणय याला तीन स्थानांचे नुकसान सोसावे लागले असून तो ३७२०१ मानांकन गुणांसह

    ३१ व्या स्थानी आहे. मलेशियाचा ली चोंग वेई अव्वल स्थानी कायम असून रिओ पुरुष एकेरीत सुवर्णपदक पटकावणारा चीनचा चेन लोंग दुसऱ्या स्थानी कायम आहे. चीनचा लिन डॅन तिसऱ्या क्रमांकावर आहे.

    26 Aug 2016
  • स्कॉर्पिअनची लीक कागदपत्रे चिंतेचा विषय नाही - संरक्षणमंत्री

    नवी दिल्ली, दि. २६ - भारतीय नौदलातील स्कॉर्पिअन पाणबुडीसंबंधीच्या लीक झालेल्या माहितीची फारशी चिंता करु नका असे संरक्षण मंत्री मनोहर पर्रिकर यांनी शुक्रवारी सांगितले. ऑस्ट्रेलियन वर्तमानपत्राने लीक झालेल्या कागदपत्रांची माहिती वेबसाईटवर टाकली आहे. त्यात स्कॉर्पिअन पाणबुडीच्या शस्त्रास्त्रांसंबंधीची काहीही माहिती नाही असे पर्रिकर यांनी सांगितले.  
     
    फ्रान्समधील 'डीसीएनएस' या पाणुबड्यांची बांधणी करणाऱ्या कंपनीची तब्बल २२,००० पानांची कागदपत्रे लीक झाल्याचे वृत्त ऑस्ट्रेलियन प्रसारमाध्यमांनी दिले होते. चिंतेची बाब म्हणजे,  त्या कागदपत्रांमध्ये भारतीय नौदलातील स्कॉर्पिअन पाणबुड्यांबद्दल गुप्त माहितीचा समावेश असल्याची चर्चा होती. 
     
    लीक झालेली कागदपत्रे हा चिंता करण्याचा विषय नसल्याचे नौदलाने आपल्याला आश्वसत केले आहे असे पर्रिकर यांनी सांगितले.  स्कॉर्पिअनच्या समुद्रातील सर्व चाचण्याही अजून पूर्ण झालेल्या नाहीत असे त्यांनी सांगितले.

    26 Aug 2016
  • हाजी अली दर्ग्याचं दार महिलांसाठी खुलं, उच्च न्यायालयाचा ऐतिहासिक निर्णय

    मुंबई, दि. 26 - हाजी अली दर्ग्यात महिलांना प्रवेश मिळण्याचा मार्ग मोकळा झाला आहे. मुंबई उच्च न्यायालयाने ऐतिहासिक निर्णय देताना हाजी अली दर्ग्यात महिलांनाही प्रवेश देण्याचे आदेश दिले आहेत. कोणताही धर्म राज्यघटनेपेक्षा श्रेष्ठ नसल्याचा संदेश उच्च न्यायालयाने या ऐतिहासिक निर्णयाच्या माध्यमातून दिला आहे. मात्र न्यायालयाने आपल्या निर्णयाला सहा आठवड्यांची स्थगितीदेखील दिली आहे. त्यामुळे अजून सहा आठवडे तरी महिला हाजी अली दर्ग्यात प्रवेश करु शकणार नाहीत. 
     
     
     
    हाजी अली दर्ग्यातील मझार-ए-शरीफमध्ये महिलांना घालण्यात आलेली प्रवेशबंदी राज्यघटनेच्या अनुच्छेद 14, 15, 21 आणि 25 शी विसंगत आहे, त्यामुळे महिलांना मझारमध्ये जाण्यापासून अडवता येणार नाही असा निर्णय न्यायाधीश व्ही एम कानडे आणि रेवती मोहित - डेरे यांच्या खंडपीठाने दिला. या निर्णयावर ट्रस्टच्या वकिलांनी आठ आठवड्यांची स्थगिती मागितली. त्यावर याचिकाकर्त्यांचे वकील राजू मोरे यांनी आक्षेप घेतला. 'बंदी 2012 पासून घालण्यात आली असल्याने निर्णयाला स्थगिती देण्यात येऊ नये', असा युक्तिवाद मोरे यांनी खंडपीठासमोर मांडला. 
     
    मात्र खंडपीठाने याचिकेत उपस्थित करण्यात आलेले मुद्दे गंभीर असल्याने सर्वोच्च न्यायालयात ही याचिका जाणे आवश्यक आहे असं म्हणत आपल्या निर्णयाला सहा आठवड्यांची स्थगिती दिली आहे. मात्र त्यानंतर ज कोणी महिलांना मजारजवळ प्रवेश करण्यापासून अडवत असेल तर राज्य सरकारने आदेशाची अंमलबजावणी करण्यासाठी महिलांनी पोलीस संरक्षण द्यावे असे आदेशही न्यायालयाने दिले आहेत. 'सरकारच्या दबावाखाली येऊन न्यायालयाने हा निर्णय दिला असल्याचं', हाजी अलीचे ट्रस्टी मुफ्ती मंजूर यांनी म्हटलं आहे.

    26 Aug 2016
  • महाराष्ट्राच्या रेल्वे विकासासाठी केंद्रांकडून 20 हजार कोटी रुपयांची तरतूद

    •  दि. २१ - महाराष्ट्राच्या रेल्वे विकासासाठी केंद्र सरकारने 20 हजार कोटी रुपयांची तरतूद केली असून 11 रेल्वे मार्गांचा विकास करण्यात येणार आहे अशी माहिती केंद्रीय रेल्वे राज्य मंत्री मनोज सिन्हा यांनी आज नाशिक इथं दिली. नाशिकरोड रेल्वे स्थानकावरील चौथ्या प्लॅटफॉर्मचे उदघाटन तसेच अन्य विकास कामाच्या लोकार्पण सोहळा आज सिन्हा यांच्या हस्ते पार पडला. यावेळी ते बोलत होते.

      गेल्या काही वर्षांत रेल्वे प्रवाशांची आणि माल वाहतुकीची संख्या वाढली , मात्र त्या तुलनेत रेल्वेचा विकास झाला नाही त्यामुळे आता केंद्र सरकारने सव्वा लाख कोटी रुपयांची रेल्वे विकासासाठी गुंतवणूक करण्याचा निर्णय घेतला आहे. असे सांगून सिन्हा यांनी महाराष्ट्रात नवीन नाशिक पुणे रेल्वे मार्ग तसेच मनमाड-मालेगाव- इंदूर मार्गाचा तसेच मनमाड - दौड रेल्वे मार्गाचा विकास करण्यात येईल असं त्यांनी सांगितले. केंद्रीय गृह राज्य मंत्री हंसराज अहिर यांनी पंतप्रधान नरेंद्र मोदी आणि रेल्वे राज्यमंत्री महाराष्ट्रातील रेल्वे विकासाचा अनुशेष भरून काढत असल्याचं सांगितलं यावेळी आमदार योगेश घोलप यांच्यासह रेल्वे अधिकारी उपस्थित होते.

    •  
     
     
     

    21 Aug 2016
  • आम्ही जात-पात मानत नाही पण धर्म मानतो - उद्धव ठाकरे

    पुणे, दि. २१ : आम्ही जात-पात मानत नाही पण धर्म मानतो, अधर्म होऊ नये यासाठी धर्माचे आचरण महत्वाचे असे वक्तव्य शिवसेना पक्षप्रमुख उद्धव ठाकरे यांनी पुण्यात केले आहे. डॉ.कुमार सप्तर्षी यांच्या अमृत महोत्सवानिमित्त उद्धव ठाकरे यांच्या हस्ते सप्तर्षी यांचा गौरव करण्यात आला त्यावेळी ते बोलत होते. यावेळी माजी मुख्यमंत्री पृथ्वीराज चव्हाण, नरेंद्र चपळगावकर, गिरीष बापट यांच्यासह अनेक राजकीय दिग्गजांची उपस्थिती होती. सप्तर्षी यांनी सत्ताधाऱयांचे कोडकौतुक केले नाही, तसे केले असते तर आत्तापर्यंत राज्यपाल झाले असते असेही ते म्हणाले.

    21 Aug 2016
  • वेगाचा बादशहा उसैन बोल्टला बनायचं होत क्रिकेटर पण तो बनला धावपटू

    मुंबई, दि. २१ : किराणा दुकानात बसणं, फावल्या वेळात क्रिकेट एके क्रिकेट खेळणं. आयुष्याचं ध्येय काय? तर वकार युनुससारखी बॉलिंग जमायला हवी. पाकिस्तान ही त्याची फेव्हरिट क्रिकेट टीम. अन् फास्ट बॉलर व्हायचं हे स्वप्न. सचिन तेंडुलकर अन ख्रिस गेल हे दोघे आवडते क्रिकेटपटू. गल्लीतल्या क्रिकेट टीममध्ये तो तिसऱ्या क्रमांकावर खेळायचा अन् फास्ट बॉलिंग करायचा.

    फुटबॉलही त्याचा जीव की प्राण. आजही त्याला कोणी जर फुटबॉलची ऑफर केली तर तो नाही म्हणू शकणार नाही. पण तो बनला धावपटू. सगळ्या आवडी बाजूला ठेवून वेगळ्याच क्षेत्रात करिअर घडवलं. तेही इतक्या टोकाचं की तो जगातला सर्वांत वेगवान धावपटू बनला. हा धावपटू म्हणजे नेहमी नवे विक्रम प्रस्थापित करणारा जमैकाचा उसैन बोल्ट.

     

     

    21 Aug 2016
  • पाकव्याप्त काश्मीरही भारताचेच, मोदींची गर्जना

    पाकव्याप्त काश्मीर हा जम्मू काश्मीरचा भाग आहे म्हणूनच पाकव्याप्त काश्मीर हे भारताचेच आहे असे पंतप्रधान नरेंद्र मोदी यांनी ठणकावून सांगितले आहे. शुक्रवारी काश्मीरप्रश्नी सर्वपक्षीय बैठक घेण्यात आली त्यावेळी मोदी बोलत होते. यापुढे देशाच्या सुरक्षेच्या बाबतीत कोणतीच तडजोड केली जाणार नाही असेही ते म्हणाले. तसेच मनात असंतोष खदखदत असलेल्या काश्मीरी नागरिकांचा विश्वास आपल्याला जिंकायला पाहिजे असे आवाहनही त्यांनी बैठकित बोलताना केले. गेल्या महिन्याभरापासून जम्मू काश्मीरमध्ये जे असंतोषाचे वातावरण आहे त्याबद्दल मला दु:ख आहे आणि येथील जनजीवन पूर्वपदावर आणण्यासाठी सरकार शक्य ते प्रयत्न करेल असेही पंतप्रधान नरेंद्र मोदी म्हणाले.
    काश्मीर प्रश्नाविषयी सगळ्याच पक्षांनी एकत्र येऊन आवाज उठवला याबद्दल त्यांनी सगळ्यांचे आभार मानले. पाकिस्तानच या अशांततेच मूळ कारण आहे असे म्हणत मोदी यांनी पाकिस्तानच्या भूमिकेवरही टीका केली. काश्मीरमधल्या प्रश्नावर लवकरच मार्ग काढला जाईल आश्वासनही त्यांनी यावेळी दिले. हिज्बुल मुजाहिद्दीनचा दहशतवादी बुरहान वाणी मारला गेल्यानंतर काश्मीरमध्ये हिंसाचाराचे वातावरण आहे. नागरिकांकडून अनेक ठिकाणी हल्ले केले जात आहेत. गेल्या महिनाभरापासून काश्मीरमध्ये संचारबंदी लागू करण्यात आली आहे. तसेच जमावाचे हल्ले थोपवण्यासाठी अतिरिक्त सेनाही काश्मीर खो-यात तैनात करण्यात आली आहे. या हिंसाचारात गेल्या महिनाभरापासून ४ हजारांहून अधिक सैनिक तर साडेतीन हजारांहून अधिक नागरिक जखमी झाल्याची माहिती राजनाथ सिंह यांनी राज्यसभेत दिली. त्यामुळे काश्मीरच्या प्रश्नावर ठोस भूमिका घेण्यासाठी सर्वपक्षीय बैठक बोलावण्यात आली होती.

    12 Aug 2016
  • अकोल्यात फडकणार १०० फूट लांबीचा ध्वज

    शिवसंग्राम आणि शिव हेल्थ क्लबचा अनोखा उपक्रम

    सचिन राऊत

    ऑनलाइन लोकमत

    अकोला, दि. ६ - शहरातील सर्वात मोठी दहीहंडी असो किंवा आगळे-वेगळे आंदोलने असो यामुळे नेहमीच चर्चेत असलेल्या शिवसंग्रामचे नेते तथा शिव हेल्थ क्लबचे अध्यक्ष शिवा मोहोड यांनी येत्या स्वातंत्र्यदिनी आणखी एक अनोखा उपक्रम हाती घेतला आहे. १५ आॅगस्ट स्वातंत्र्यदीनी तुकाराम चौकातील शिव हेल्थ क्लबवर तब्बल १०० फुट कापडाचे ध्वजारोहणाचा अभूतपूर्व सोहळा आयोजित करण्यात आला आहे.

    शिवसंग्राम आणि शिव हेल्थ क्लब यांच्या संयुक्त विद्यमाने १५ आॅगस्ट रोजी सकाळी शिव हेल्थ क्लब येथे १०० फुट कापडाचे ध्वजारोहण करण्यात येणार आहे. यासाठी १०० फुटांचा तीन रंगाच्या कापडावर कामकाज करण्यात येत आहे. शिवा मोहोड यांच्या संकल्पनेमधून साकारण्यात येत असलेल्या या अनोख्या ध्वजारोहन सोहळयाला सार्वजनीक बांधकाम विभागाचे कार्यकारी अभियंता चव्हाण, जलसंपदा खात्याचे कार्यकारी अभियंता लोळे, खदान पोलिस स्टेशनचे ठानेदार छगनराव इंगळे विशेष उपस्थिीतीत राहणार आहे. स्वातंत्र्य दिनाचा हा उत्सव शिव हेल्थ क्लबवर अनोख्या आणि आगळया वेगळया पध्दतीने साजरा करण्यात येणार असून यासाठी नागरिकांनी मोठया संख्येने उपस्थित राहण्याचे आवाहन शिव हेल्थ क्लबचे अध्यक्ष शिवा मोहोड यांनी केले आहे. १०० फुटांच्या कापडावर दोन टेलर दिवसरात्र काम करीत असून ज्या ठिकाणी हा ध्वज फडकविण्यात येणार आहे त्या ठिकाणी आवश्यक ती सुवीधा उपलब्ध करण्यात येत आहे. या ध्वजासाठी मोठा खांब तयार करण्यात येत असून यावर हा तिरंगा मोठया दिमाखात फडकणार आहे. शिवा मोहोड यांच्या या उपक्रमाची माहिती परिसरात पसरल्यानंतर हा ध्वज पाहण्यासाठी नागरिकांची गर्दी होत आहे.

     

    06 Aug 2016
  • PM Narendra Modi in ‘top 10 criminals’: Internet giant Google gets court notice

    A Times of India report said on Wednesday that the court has also directed concerned authorities to register a criminal complaint case against Google and its top executives.

    31 Jul 2016

News India